വാടാത്ത പൂമൊട്ട് 

വിരിയാൻ സുന്ദരരാത്രികൾ വേണം 

പകപ്പെടാൻ നോവിന്റെ പകലുകളും 

ചിലപ്പോൾ 

വെയിലിൽ വാടിപ്പോകുന്നത് 

രാത്രിയെ ധ്യാനിക്കാത്തതുകൊണ്ടാകാം 

ഇത് ധ്യാനിക്കാൻ തുടങ്ങിയാൽ

പുഷ്പിക്കുന്ന രാത്രികളെ മാത്രമല്ല 

വെയിലിന്റെ പകലുകളെയും നാം സ്നേഹിക്കാൻ തുടങ്ങും 

അതേ ...........

പൂവിനെ സ്നേഹിച്ചു തുടങ്ങിയവർ 

മുള്ളുകളെയും ചേർത്തുപിടിക്കാൻ തുടങ്ങുന്നു 

അതേ ........

മുറിവേൽക്കാതെ സ്നേഹമില്ല 

ബലി ചെയ്യാതെ ആരാധനയില്ല 

വിലക്കുകളില്ലാത്ത പറുദീസയുമില്ല ......!